39
El Corte Inglés de Marineda City abriu as súas portas ao público este venres reconvertido nun outlet de 10.000 metros cadrados distribuídos en dúas plantas, cun amplo catalogo de produtos. Na primeira planta concéntrase a oferta de moda, coa presenza de firmas internacionais como Ralph Lauren, Gant, Hackett, Calvin Klein, Tommy Hilfiger, Clarks, New Balance, Nike, Adidas ou Napapijri, así como a marca Sfera, do Corte Inglés, nuns 1.000 metros cadrados. O outlet do fogar desenvolverase nuns 3.000 metros cadrados da planta segunda. O novo outlet dispoñerá de descontos de ata o 70% en máis de 150 marcas e firmas internacionais. Ademais, complementarase coas “vendas flash” da súa páxina web.