O CP Conxuro organiza a III Fase de Niveis Libre (Niveis do 4 ó 10) de patinaxe que se vai celebrar no pavillón Municipal da Laracha este sábado día 8 de outubro desde as 10:00 e ata as 14:15 horas.
Trátase dunha proba federativa oficial á que acudirán preto de cen patinadores, que realizarán un programa coa finalidade de superar o seu nivel.
Tomarán parte no evento trece clubs de patinaxe de toda a provincia da Coruña, en concreto CP Patiart , CP As Pontes, CP Velúa, CP Aura, CP Buxaina , CP Lenda, CPA Costa da Morte, CPA Inercia, CP Axel, CP Alquimia, Escola Lubiáns, CPA Eiriz e o clube organizador, CP Conxuro A Laracha.
O CP Conxuro presenta a 9 das súas patinadoras:
- Nivel 4: Iria Bustelo, Daniela Antelo, María García e Jimena Felipez
- Nivel 5: Lara Roca
- Nivel 6: Carla Santín e Lola Collazo
- Niel 7: África Rodríguez
Esta proba organizada polo CP Conxuro é convocada pola Federación Galega de Patinaxe e conta coa colaboración do Concello da Laracha, a Deputación Provincial da Coruña, a Xunta de Galicia – Deporte Galego e os patrocinadores Asteria Café, o Noso Café, Maluca Lobe e Argalla».