- O apoio de ERC será clave nesta votación, xa que Sánchez necesitará que se absteñan os 13 deputados nacionalistas
A Presidenta do Congreso dos Deputados, Meritxell Batet, fixo públicas este martes as datas para o debate de investidura de Pedro Sánchez como presidente do goberno, que finalmente se celebrará os días 4, 5 e 7 de xaneiro.
O sábado 4 empezará o debate pero será o domingo 5 cando se inicie a votación, na que Sánchez deberá conseguir maioría absoluta, é dicir, 176 votos a favor. De non alcanzar estes apoios, terá que ir a unha segunda votación 48 horas máis tarde, o martes 7 (xa que o luns 6 é festivo en España). Nesta segunda votación, Pedro Sánchez sairía investido como presidente cunha maioría simple, máis sís que nons.
Nestas votacións será clave o apoio de ERC, xa que para que Sánchez poida formar goberno necesita si ou si que se absteñan os 13 deputados independentistas. Por agora, os nacionalistas vascos xa lle mostraron o seu apoio.