O Deportivo deixa os postos de descenso despois de catro meses tras sumar a quinta vitoria consecutiva ante o Albacete (0-1). O conxunto branquiazul xogou unha boa primeira parte e soubo sufrir na segunda, agarrado ao acerto dun Sabin Merino tocado por unha varita e a un inmenso Dani Giménez. Debutou Beauvue, que tivo a sentenza, pero topouse con Tomeu Nadal. A cara triste da xornada é a do Lugo, que volveu perder, esta vez 2-1 na casa do Huesca e mantense en postos de descenso.