O Deportivo quere teñir Riazor de branquiazul contra a UD Las Palmas. O obxectivo non é outro que volver conseguir unha gran entrada que leve polo aire ao equipo para seguir sumando puntos esta tempada. Tras saír dos postos de descenso ao sumar a súa quinta vitoria consecutiva, agora buscan a seguinte cun estadio que luza na súa totalidade as cores do equipo coruñés. Así será como todos os asistentes (socios e afeccionados con entrada) recibirán gratis unha camiseta no partido ante a UD Las Palmas. A entrega da mesma será dentro de Riazor, unha vez se superen os tornos de acceso ao estadio, con talla tanto para nenos como para adultos. A intención non é outra que recibir ao equipo na súa saída ao campo coa camiseta posta, formando así unha unión entre inchada e xogadores para dobregar á UD Las Palmas e proseguir coa escapada dos postos de descenso.
40