O Deportivo deu comezo aos seus amigables de pretemporada nun estadio que xa lle é familiar: A Magdalena. Na Terra Chá, o equipo branquiazul disputou os seus primeiros 90 minutos ante un Racing Villalbés que, un ano máis, xogará en Terceira División. O choque serviu a Fernando Vázquez para seguir probando pezas a falta de 3 semanas para que arrinque a liga. ‘O seu’ Dépor, de menos a máis, superou ao Racing sen problemas (0-3). Os goles, de Lara, Adri Castro e Celso Borges, chegaron no segundo tempo.