O director da radio católica Radio María en Italia, Livio Fanzaga, considera que a Covid-19 é «un proxecto destinado a debilitar á humanidade, poñela de xeonllos, establecer unha ditadura sanitaria e cibernética, crear un novo mundo que xa non sexa Deus Creador, mediante a eliminación de todos aqueles que non digan si a este proxecto criminal levado a cabo polas elites do mundo, coa complicidade quizais dalgún Estado». Todo para crear «o mundo de Satanás» informa a axencia italiana ANSA. «Esta epidemia é un plan do diaño que a través de mentes criminais prepara un golpe de estado sanitario ou dos medios de comunicación» engadiu. Así describiu a pandemia de coronavirus Fanzaga, que fixo estes comentarios no seu programa «Lectura cristiá da crónica e a historia», nun discurso que está a dar moito que falar entre os italianos.
36