Os de Héctor Méndez entraron ben ao partido ante un Estudantes de Lugo que mostrou un bo nivel en moitas fases do partido e que privou ao Calvo Basket Xiria de conseguir a vitoria na casa, que sería a cuarta consecutiva. O equipo local estivo máis acertado que o seu rival ao comezo do encontro e ao descanso a vitoria visitante era mínima (40-41). O terceiro cuarto foi o que lle pasou maior factura ao Calvo Basket Xiria con varias perdas de balón que souberon aproveitar os lucenses ao contraataque, conseguindo un resultado parcial de 10 puntos ao seu favor, 9-19. Na recta final o Xiria quixo, pero non puido, e viuse superado por un Estudantes de Lugo que acabou impoñéndose por 72-83.