O euribor a doce meses, o indicador que máis se usa en España para calcular as cotas das hipotecas, subiu de novo en abril, e rexistra unha taxa media positiva, algo que non ocorría desde xaneiro de 2016. A falta de coñecer o último dato do mes, e de que o Banco de España o confírme, a taxa provisional do euribor alcanza en abril o 0,005 %. Un dato moi superior ao -0,237 % que rexistrou en marzo; ao -0,335 % de febreiro; e ao -0,477 % de xaneiro. Lonxe se atopa xa o mínimo marcado en xaneiro de 2021, cando o indicador hipotecario se situou no -0,505 %. Os prezos creceron pola guerra en Ucraína e neste contexto, o pasado 12 de abril, o euribor entrou en taxa positiva diaria por primeira vez no últimos seis anos. Isto pode traducirse en que para unha hipoteca media de 150.000 euros a 30 anos, con euribor máis un diferencial do 0,99 %, a alza será de uns 32 euros ao mes ou uns 384 euros ao ano.
39