O FBI detivo este xoves na localidade de North Dighton (Massachusetts) a Jack Teixeira, un mozo de 21 anos, suposto autor das filtracións de documentos secretos que sacudiron aos Estados Unidos nos últimos días e que poderían ser as máis graves nunha década. O fiscal xeral de EE.UU., Merrick Garland, compareceu brevemente ante as cámaras no Departamento de Xustiza para anunciar o arresto de Teixeira, membro da Garda Nacional Aérea de Massachusetts. Ata o de agora, non se fixeron públicos os cargos contra o acusado e, segundo Garland, a investigación aínda está en curso. O arresto produciuse na residencia onde vive Teixeira en North Dighton. Antes de que se producise o arresto, o presidente estadounidense, Joe Biden, de visita en Dublín, xa dixo que o Departamento de Xustiza estaba «preto» de saber máis sobre a filtración de documentos do Pentágono e da comunidade de intelixencia.
20