O FC Barcelona impúxose por 0-4 ao Athletic Club na final da Copa do Rey e tras o encontro Leo Messi falou para os micrófonos de BarçaTV: “Foi unha Copa moi dura, en moitos partidos sufrimos. Sempre é lindo levantar un título, moi feliz por este grupo que merecía unha alegría. É moi especial ser o capitán deste club, onde levo toda a vida, é unha Copa moi especial”. Messi engadiu que “é moi raro gañar un título e non poder celebralo coa afección nin coa familia. Foi un ano difícil para nós e poder celebrar este título e ir a por La Liga é moi importante” e que “é un ano diferente para nós, de transición, con moitos xogadores novos, o equipo foise facendo forte, hoxe levámonos este título e aínda queda moito para La Liga”. Antoine Griezmann tampouco puido evitar a súa satisfacción e orgullo tras conseguir o seu primeiro título coa camiseta do FC Barcelona. O dianteiro francés destacou que “tivemos a mentalidade moi forte para pasar os bos e os malos momentos», preguntado por Leo, respondeu «Messi está ben aquí».
43