31
O Fisterra crese de Terceira e pegoulle un repaso ao O Barco este domingo en Ara Solis. Custoulles arrincar aos locais, foron a remolque no marcador, pero aguantaron ben a presión do rival e ao final mesmo foron mellores. Rodri Alonso adiantaba ao equipo ourensán a pouco de comezar a segunda parte, Eloy empataba dez minutos máis tarde, Adrián rompía táboas no minuto 79. Juan de Dora establecía o 3-1 no 84, tres minutos máis tarde recortaba distancias David, e sobre a bucina Marcote establecía o definitivo 4-2. Desta forma o conxunto de Juan Porrúa segue enganchado pola permanencia na categoría, cun final de competición estresante, pero non imposible.