O estadio Ara Solis viviu este domingo o derbi da costa en Terceira entre o Fisterra e o Paiosaco. O Fisterra afrontou o partido coa intención de remontar a súa puntuación na clasificación tras perder o último encontro fronte ao Somozas. Por parte do equipo visitante, o Paiosaco-Hierros, con esta derrota situouse en duodécima posición tras a finalización do partido, mentres que o Fisterra é décimo. Un tanto de Julián no minuto 21, pechou a primeira parte co marcador de 1-0. Herbert marcaría no minuto 61 o 2-0, pero o Paiosaco recortaría distancias dez minutos máis tarde por medio de Iván Amor. Sería un espellismo, outro gol de Julián, que lograba así un dobrete no minuto 76, pechou o enfrontamento cun resultado final de 3-1. A próxima xornada o Fisterra medirase co Silva SD, mentres que o conxunto larachés disputará o seu partido fronte ao Viveiro CF.
