Parte do espazo aéreo español viuse afectado este venres pola caída sen control dun foguete chinés na súa reentrada á atmosfera. Durante unha hora, de nove a dez da mañá, os aeroportos de Barcelona, Tarragona, Eivissa e Reus tiveron que paralizar a súa actividade. Isto afectou tanto ás saídas como ás aterraxes. “Debido ao risco asociado polo paso do obxecto espacial CZ-5B atravesando o espazo aéreo español, restrinxíronse totalmente os voos desde as 9.38 horas ata as 10.18 horas en Cataluña e outras comunidades”, informou Protección Civil. O módulo dunhas 20 toneladas do foguete Longa Marcha-5B E4, que puxo en alerta á Axencia de Seguridade Aérea, era o encargado de levar pezas para a construción da estación espacial chinesa Tiangong. Finalmente, o foguete aéreo chinés sen control caeu no Pacífico sur, segundo o Exército de Estados Unidos.
41