Dende a Concellaría de Innovación, Formación e Emprego apostan por unha formación de calidade, tanto na execución dos certificados de profesionalidade coma nos obradoiros que se desenvolven nas instalacións do Centro Municipal de Formación – Fórum Carballo.
Como consecuencia dese compromiso veñen de implantar un sistema de xestión de calidade que nos permite dar unha resposta axeitada á demanda do alumnado, así coma de calquera outro sector (Administracións, traballadores/as, provedores/as…).
O obxectivo deste novo sistema é coñecer as inquedanzas de todas as persoas que participan nas accións formativas que se desenvolven no Fórum Carballo e ofrecer unha resposta axeitada que nos permita mellorar de xeito continuo na prestación do servizo mediante o cumprimento dos seguintes criterios:
- O establecemento de obxectivos de mellora
- O cumprimento dos requisitos de aplicación
- O seguimento e a medición de datos
- A análise da satisfacción do noso alumnado
- A resposta ás expectativas e necesidades das partes interesadas.
Dende o Fórum Carballo fan público o seu compromiso coa calidade.