Os líderes do G7 finalizan o cume de Cornualles cun ambicioso acordo: a doazón de mil millóns de vacinas contra a covid-19 aos países en desenvolvemento. O compromiso será cumprido ben con doazóns directas ou a través do financiamento do programa internacional COVAX, que distribuirá a metade da cantidade acordada antes finalizar este ano. Os expertos calculan que serán necesarias 11.000 millóns de doses como mínimo para derrotar á pandemia a nivel global. Aínda así a declaración conxunta explica que os compromisos adquiridos polos sete países desde o comezo da pandemia elevan o total da cooperación a 2.000 millóns de doses e espérase aumentar a cifra progresivamente. Na rolda de prensa de clausura, Boris Johnson dixo que cen millóns de doses sairán do Reino Unido.
37