A ministra de Educación e Formación Profesional, Pilar Alegría, anunciou a creación dun Plan de Saúde Mental, dotado con 5 millóns de euros, que levará a cabo en colaboración coas comunidades autónomas. A ministra puxo de manifesto o preocupante aumento dos trastornos mentais e da conduta no alumnado, un problema que se está tratando no grupo de traballo da convivencia do Ministerio coas comunidades autónomas no seo da Conferencia Sectorial de Educación. O Plan de Saúde Mental no que traballa este grupo, e que se enmarca dentro do Plan de Acción 2021-2024 Saúde Mental e COVID-19 presentado polo Goberno o pasado mes de outubro, dará especial importancia á formación do profesorado, proporcionándolles ferramentas que lles axuden a identificar e actuar ante estas situacións.
41