O Goberno prevé ingresar 968 millóns de euros coa taxa Google
É un imposto para as grandes empresas dixitais que ingresen como mínimo 3 millóns de euros en España, como Amazon, Facebook ou Uber.
Terano que pagar cada tres meses, pero este ano, ante a ameaza de que Estados Unidos impoña novos aranceis aos países que graven as súas tecnolóxicas, só o pagarán en decembro.
O Goberno prevía ingresar 1.200 millóns de euros con esta taxa, agora rebaixa a cifra a 968 millóns.
Recadaranse 832 millóns de euros anuais coa taxa Tobin
Coa taxa Tobin, que grava as grandes transaccións financeiras, o Goberno ingresará 832 millóns de euros cada ano. É un imposto que terán que pagar os bancos por mercar accións de grandes empresas.
O Goberno di que en ningún caso a taxa Google e a taxa Tobin repercutirán nos cidadáns.