O Ministerio de Industria e Comercio dará ata 150.000 euros ás pequenas e medianas empresas (pemes) que implanten a xornada laboral de catro días sen reducir os soldos. Así se desprende do plan de proxecto piloto para introducir esta xornada, que previsiblemente se publicará nos próximos días.
As empresas terán que aplicar unha redución mínima do 10% da xornada laboral e manter este plan durante, polo menos, dous anos.
Esto pretende mellorar a produtividade, a conciliación laboral, a igualdade de oportunidades e a saúde física e mental dos traballadores. Os primeiros proxectos no mundo para adoptar esta nova xornada lanzaron bos resultados tanto para empregados como empresarios, segundo defenden os seus promotores. O maior experimento ata o de agora, en Reino Unido, mostra que o 86% das preto de 70 empresas que participaron estaban satisfeitas coa proba e pretendían mantela nun futuro.