O Executivo central desaconsella as manifestacións e avoga por outro tipo de accións que cumpran con garantías con todas as normas sanitarias. A vicepresidenta primeira do Goberno asegurou que vai participar «en todos os formatos posibles que non poñan en risco as decisións das autoridades sanitarias». «Xa nos gustaría, pero non podemos saír ás rúas nas condicións en que quereriamos. A pandemia está antes, preservar vidas está antes», declarou Carmen Calvo. Podemos tamén instan a cumprir coas medidas. Victoria Rosell, delegada do Goberno contra a Violencia de Xénero, asegurou en que «este ano toca facer caso a todas as recomendacións pero que ninguén nos dea leccións ás mulleres, dende a dereita, de coidar a saúde, de salvar vidas». As organizacións convocantes están descartando as grandes manifestacións e piden prudencia.