O Goberno destina 7.000 millóns en axudas a pemes e autónomos

O paquete de axudas públicas por importe de 11.000 millóns de euros para o sector da hostalería, o turismo e o comercio que o Goberno pon en marcha estará formado por un fondo de 7.000 millóns de euros en axudas directas, outro por valor de 3.000 millóns para a reestruturación de débedas financeiras con aval do Estado e outros 1.000 millóns que irán dirixidos a apoiar a solvencia das empresas. Fuentes do Goberno indicaron que a cifra estaba pechada desde fai dias, mentres que desde a Vicepresidencia Segunda manifestaron a súa satisfacción porque se melloraron as cantidades e é motivo de alegría. Así consideran que é un avance que se aproxima ao que demandaran. O novo paquete de axudas está dirixido a evitar os problemas de solvencia nas empresas, especialmente as pemes, tras o impacto sufrido polas restricións da pandemia. Súmase aos 40.800 millóns (o 5 % do PIB) que o ano pasado o Goberno achegou en axudas directas, principalmente nos ERTE. Para este exercicio e para o mesmo fin, o Executivo ten comprometido un 2 % do PIB ata a data.