O Boletín Oficial do Estado publicou este venres as autorizacións administrativas para que Enel Green Power España poña en marcha catro parques eólicos en Galicia cunha potencia total de 351,8 MW, dos que tres se enmarcan na comarca de Ferrol e o restante entre esa zona e municipios limítrofes da provincia de Lugo. Así, o Goberno dá luz verde aos proxectos bautizados como Moeche, de 50,4 megawatts instalados; Badulaque, de 90 megawatts; Tesouro, doutros 50,4 megawatts, e Santuario, de 161 megawatts. O ministerio de Transición Ecolóxica indicaba que existen declaracións de Impacto Ambiental favorables e valorou que os concellos implicados non contestaron ás preguntas do Goberno respecto diso, «polo que se entende a conformidade dos mesmos».
45