O secretario xeral de Infraestruturas, Xavier Flores, avanzou que o Goberno habilitará en agosto unha alternativa para que o tráfico afectado polo derrube o pasado mes do viaduto do Castro, na A-6, non teña que pasar por Pedrafita do Cebreiro. «Falamos de semanas. Seguro que para agosto estará», confirmou. Así mesmo, explicou que as alternativas propostas pola Xunta e polo Goberno de Castela e León «non son viables», aínda que recoñeceu que hai un punto en estudo. O secretario xeral tamén criticou que se utilice politicamente este asunto. Sobre o informe das causas, Flores afirmou que quizais ata final do verán non estará dispoñible e asegurou que en canto saiban que ocorreu será o momento de ver se se debe derivar algunha responsabilidade.
41