O primeiro tramo, dotado con 5.000 millóns de euros, está dirixido aos autónomos e empresas de todos os sectores económicos afectados pola invasión de Rusia en Ucraína, con excepción do financeiro e de seguros. A ministra de Política Territorial e portavoz do Goberno, Isabel Rodríguez, afirmou que o obxectivo é que as empresas poidan manter os seus negocios. Rodríguez precisou que, para importes avalados de ata 400.000 euros, a garantía cobre ata o 80% do importe do crédito e o prazo do financiamento pode ser de ata 10 anos. Para préstamos por importe superior, garantirase o 80% do novo financiamento a autónomos e pemes e ata o 70% para o resto de empresas. Dispoñerán dun prazo de amortización de ata oito anos. Todas as empresas terán dereito a unha carencia inicial do principal do préstamo de 12 meses.
43