O comité de empresa de Alcoa San Cibrao reuniuse por videoconferencia co secretario xeral de Industria, o delegado do Goberno en Galicia, Javier Losada; a subdelegada do Goberno en Lugo, Isabel Rodríguez; o conselleiro de Industria, Francisco Conde, e o presidente de Alcoa, Álvaro Dorado.
Segundo Alcoa, a planta de aluminio atravesa unha «situación insostible» e así llo trasladou ao Goberno, debido ao marco enerxético actual e á sobrecapacidade global de aluminio, o que «fai necesario tomar medidas urxentes para frear o alto nivel de perdas», apunta.
Di que os problemas da planta de aluminio teñen unha natureza «permanente e non se van a reverter», polo que as proxeccións para os próximos anos, augura, «non cambiarán esta situación, facendo que a posibilidade dunha venda da planta non sexa factible xa que a produción non é sostible».
O secretario xeral de Industria, Raúl Blanco, trasladou este martes aos traballadores de Alcoa San Cibrao (Lugo), no transcurso da Mesa de Traballo Multilateral, o seu compromiso coa industria e o emprego e instou á dirección de Alcoa a que aclare o seu plan industrial, e se Alcoa non presenta un plan industrial, debe dar paso a outras empresas interesadas en operar na planta da Mariña.