O grupo construtor anunciou á Comisión Nacional do Mercado de Valores (CNMV), aproveitando a súa presentación de resultados anuais, que o seu consello de administración propuxo unha fusión entre a súa sociedade matriz e a actual Ferrovial International, unha sociedade anónima europea neerlandesa que xa é titular do 86% dos activos da compañía, o que supoñerá o traslado do domicilio social de España a Países Baixos.
A vicepresidenta primeira e ministra de Asuntos Económicos, Nadia Calviño, chamou directamente ao presidente da compañía, Rafael del Pino, para expresarlle o seu «rexeitamento» pola decisión. «Foi unha conversación cordial pero firme na que lle expresei o rexeitamento e a falta de comprensión por unha decision que é errónea», sinalou a vicepresidenta nunha entrevista, tendo en conta que «é unha empresa que debe todo a España», dixo, e que «creceu grazas á obra pública financiada polos españois».