O Goberno levará ao Consello de Ministros do próximo martes un anteproxecto de lei co que pretende abaratar os prezos da electricidade, que terminan o mes de maio acumulando máximos históricos, segundo confirmaron fontes do Ministerio de Transición Ecolóxica. Mediante esta proposta, busca reducir o exceso de beneficios que as grandes compañías obteñen por xerar electricidade mediante as súas centrais nucleares e hidráulicas, unha retribución que lles segue chegando aínda que as obras de construción xa están amortizadas. Esta lei que propón o Ministerio de Transición Ecolóxica céntrase na minoración de parte do dividendo da emisión de carbono e está exposta para aquelas plantas non emisoras en funcionamento desde antes do 2005 que vendan enerxía no mercado.
41