O Consello de Ministros analizou o Anteproxecto de Lei do Cinema e da Cultura Audiovisual, que pretende fortalecer as industrias deste sector e consolidar a España como plataforma de investimento e país exportador de produtos audiovisuais. A ministra de Política Territorial e portavoz do Goberno, Isabel Rodríguez, afirmou que España é unha potencia no sector audiovisual, que o Executivo está a impulsar desde o Plan de Recuperación, Transformación e Resiliencia.
«O obxectivo que marcamos no plan é un aumento do 30% das producións audiovisuais, cun investimento nada desdeñable de máis de 1.600 millóns de euros dos fondos europeos destinados a propiciar este novo ‘ hub’ audiovisual», dixo.
O ministro de Cultura e Deporte, Miquel Iceta, destacou que o sector audiovisual leva tempo demandando unha normativa que recolla as importantes transformacións que experimentou nos últimos anos.