O Consello de Ministros aprobou un Real Decreto-lei polo que se adoptan medidas para afrontar as consecuencias económicas e sociais derivadas dos conflitos en Ucraína e Oriente Próximo, así como paliar os efectos da seca. A norma recolle as prórrogas de iniciativas vixentes desde 2022 e 2023.
Durante a súa comparecencia na rolda de prensa posterior, o presidente do Gobierno, Pedro Sánchez, incidiu en que o obxectivo destas medidas é manter o escudo social e protexer ás familias, aos traballadores, aos pensionistas e aos colectivos máis vulnerables, así como atraer investidores e reforzar a estabilidade do sistema financeiro.
Entre outras medidas, o Goberno aprobou a revalorización, conforme o Índice de Prezos ao Consumo, de 11,8 millóns de pensións e prestacións en 2024. A subida será do 3,8% con carácter xeral para as pensións do sistema de Seguridade Social e de Clases pasivas do Estado. As pensións mínimas, non contributivas e o ingreso mínimo vital subirán un 6,9%, e as de viuvez con cargas familiares un 14,1%.