34
O Hospital Meixoeiro de Vigo é o centro de Galicia escollido para contar cun dos seis robots existentes para o diagnóstico automatizado do coronavirus, de Roche Diagnostica, que permite «aumentar a capacidade de realizar esta proba pasando de 500 a máis de 1.300 ao día», explica o xefe do Servizo de Microbioloxía, Benito Regueiro. O seu uso, que será centralizado polo Sergas, estará orientado a apoiar a todas as áreas sanitarias na realización das probas en Galicia para que «sen alterar a nosa capacidade actual de resposta, podamos abordar os grandes clústers que supoñen as nosas residencias de maiores, o persoal sanitario, etc», engade o xefe de Microbioloxía.