47
O voceiro do Kremlin, Dimitri Peskov, asegurou que a causa penal contra Yevgueni Prigozhin será arquivada e que, aínda que polo momento descoñecen o seu paradoiro, trasladarase a Bielorrusia, país ao que o Kremlin agradeceulle a súa mediación con Wagner. Á súa vez, Peskov informou que os combatentes paramilitares de Wagner que non participaron na «marcha» cara a Moscova asinarán contratos co Ministerio de Defensa ruso, mentres que o resto non serán procesados, en recoñecemento ao seu servizo na fronte ucraína. Peskov declarou que o presidente bielorruso, Aleksander Lukashenko, ofreceuse a mediar, co consentimento do presidente ruso, Vladímir Putin, porque coñecía persoalmente a Prigozhin desde facía uns 20 anos.