23
- Compra por 137 millóns outro 15% de Realia, que comparte con Carmila o complexo comercial compostelán, que recibe cada ano 6,6 millóns de visitas.
Segundo consta na Comisión Nacional do Mercado de Valores (CNMV), o empresario comprou ao fondo de investimento Polygon unha participación do 10,26% a través de FCC, compañía da que controla o 81,5%, e un 5% a través de Finver Investimentos 2020, outra sociedade vinculada ao investidor. Carlos Slim entrou no accionariado de Realia en 2015, coa adquisición dunha participación do 25% a Bankia por 44,5 millóns de euros, unha posición que foi nos anos posteriores ampliando, ata superar o 75% do capital. Actualmente, segundo o rexistro da CNMV, Control Empresarial de Capital, a súa sociedade de cabeceira, atesoura o 77,3% da promotora. Tras este novo investimento, Slim controlará de forma indirecta o 92,3% da inmobiliaria.