O Ministerio de Economía y Empresa a través da Secretaría de Estado Para el Avance Digital ven de comunicarlle á empresa operadora da demarcación de TDT Local TL06C a aprobación dos Proxectos Técnicos das Estacións de Televisión nas localizacións cabeceiras de Vimianzo e Cee, das cales depende a cobertura TDTL dos concellos de Vimianzo, Cee, Camariñas, Muxía, Zas, Fisterra e Dumbría.
A instalación farase dando cumprimento aos prazos establecidos e na frecuencia asignada de 714 Mhz, correspondente á canle 51, variable nos axustes de resintonización adaptable á compatibilidade 5G, obrigatorio antes do ano 2020.
Reaxustes no proxecto debido á dificultade xeográfica da zona atrasaron considerablemente este támite. Algo máis fácil tívoo a demarcación cabeceira TL01C correspondente a Carballo, que dá cobertura aos sete concellos da comarca de Bergantiños e que xa leva varios meses finalizada.
Segundo as fontes consultadas, está prevista a produción televisiva en calidade 4K (isto é, 4 veces superior ao HD convencional).
