27
Os traballos para reconstruír o viaduto do Castro, na A-6, complícanse. O Ministerio de Transportes anuncia que se vai derrubar un terceiro tramo que non estaba previsto no proxecto inicial das obras. O Goberno asume que pode haber atrasos na reapertura da autovía, pero mantén a idea de abrir este ano un dos viadutos en dobre sentido para evitar o tráfico polo centro de Pedrafita. O novo treito do viaduto do Castro que se vai derrubar é un tramo duns 320 metros, en dirección Madrid, que inicialmente non estaba previsto desmontar. Tras revisar a estrutura, os técnicos recomendaron facelo de novo.