O ministro de Transportes, Mobilidade e Axenda Urbana, José Luis Ábalos, anunciou este venres a previsión de que as rebaixas na peaxe da AP-9 poidan implantarse no mes de xullo e que suporán a bonificación do 100 % nas viaxes de volta para todos os vehículos que teñan o dispositivo electrónico. Tamén expresou o compromiso de que o AVE comece a figurar na segunda metade do ano.
Na conferencia de prensa tras a reunión co presidente da Xunta, Ábalos especificou que no caso do tramo Vigo-Rendondela a peaxe será «gratis total», haberá unha bonificación para vehículos pesados, e un desconto adicional do 20 %, para usuarios que realicen máis de 20 viaxes mensuais en calquera tramo da autoestrada.
Ademais, confirmou que se solicitarán fondos europeos Next Generation para a conexión ferroviaria a Punta Langosteira, a licitación este mes do saída sur de Vigo e o nomeamento dun coordinador no Ministerio para o corredor atlántico, que terá a mesma categoría que o do Corredor Mediterráneo. O Ministerio de Transporte prevé destinar 1.200 millóns a Galicia.