A Fundación Biodiversidade do Ministerio para a Transición Ecolóxica e o Reto Demográfico (MITECO) publicou unha nova convocatoria de axudas para impulsar proxectos de investigación en materia de xestión da biodiversidade, cunha dotación de 2 millóns de euros. Esta liña de axudas dá continuidade ás concedidas en 2021, e enmárcase igualmente no Plan de Recuperación, Transformación e Resiliencia (PRTR) financiado pola Unión Europea – Next Generation EU.
A convocatoria, á que poden optar entidades de carácter científico (ata catro no caso de tratarse de agrupacións), dota de axudas de ata 300.000 euros por proxecto. A duración das iniciativas non poderá superar o 31 de decembro de 2025. Esta convocatoria oriéntase a proxectos de investigación en catro ámbitos. En primeiro lugar, o impulso das enerxías renovables e a transición enerxética, onde se garanta que o seu desenvolvemento sexa respectuoso co patrimonio natural e a diversidade biolóxica, con mínimos impactos sobre a biodiversidade terrestre e mariña.