Tras coñecerse a barbarie que tivo lugar en Bucha, a intelixencia ucraína difundiu na súa páxina web os datos persoais de 1.600 soldados rusos, desde nome e apelidos a data de nacemento e rango militar, integrados nas tropas que actuaron en Bucha. A lista corresponde aos integrantes da 64 Brigada Independente Motorizada do Exército ruso, que estaría implicada na presunta matanza de civís nesa cidade. Volodímir Zelenski visitou este luns a cidade e pediu o apoio de Occidente para levar a estes soldados e a Rusia ante a xustiza internacional.
«Estes son crimes de guerra, e serán recoñecidos polo mundo como un xenocidio. Vostedes están aquí e poden ver o que ocorreu. Sabemos que miles de soldados mataron e torturaron, desgarraron membros, violaron mulleres e mataron nenos. Creo que isto é máis que… Isto é un xenocidio», concluíu Volodímir Zelenski.