- A peza, elaborada pola produtora Vizuals Lab, contará con material inédito do artista afincado na Costa da Morte
O Museo Man de Camelle, na localidade de Camariñas, está buscando persoas que coñeceran ou coincidiran con Manfred Gnädinger, o alemán de Camelle, para realizar un documental sobre a súa vida e obra dentro da iniciativa ‘Proxecto Man: A Costa da Morte na mirada’, subvencionada pola Deputación da Coruña.
A produtora Vizuals Lab é a encargada da realización desta peza audiovisual na que se abordará, da maneira máis completa, a vida deste artista ermitán afincado na Costa da Morte, e na que ademais haberá material inédito.
Durante este primeiro semestre do ano 2021 realizaranse convocatorias abertas para todo aquel que queira participar neste documental e no proceso de investigación.
Aquelas persoas interesadas en colaborar poden poñerse en contacto a través dos correos electrónicos proxectoman@gmail.com e museos@camarinas.net ou nos teléfonos 981 978 876 e 981 710 224.