- Irán fai ‘oídos xordos’ ás directrices internacionais e segue adiante co seu programa nuclear.
Tras o fracaso do seu acordo nuclear de 2015 coas potencias mundiais, o Goberno iraniano proseguiu co enriquecemento de uranio xusto por baixo dos niveis aptos para armamento.
Irán «non é completamente transparente» no que respecta ao seu programa nuclear. Esta é a advertencia do director xeral do Organismo Internacional de Enerxía Atómica (OIEA), dous días despois de que o Exército iraniano despregase unha serie de mísiles nas celebracións do 45 aniversario da República Islámica, e tras o anuncio dun antigo responsable do programa de Teherán de que o país ten «nas súas mans» todas as pezas necesarias para fabricar unha arma.
«Se Irán quere ter un programa de enerxía nuclear como o que ten, pode facelo, e con razón. Non hai problema con eso. Pero teñen que ter un sistema de inspeccións que estea á altura do que están a facer, e seguen sen dar as respostas e a cooperación que deberían estar a ofrecer ao OIEA», declara Rafael Grossi, director xeral do Organismo Internacional de Enerxía Atómica.