O papa Francisco recoñeceu, durante a súa primeira homilía na Xornada Mundial da Mocidade (JMJ) de Lisboa, que os «escándalos» afectaron á Igrexa e pediu «acoller e escoitar sempre» ás vítimas de abusos.
O pontífice indicou no seu discurso, lido en español, que ás veces os sacerdotes e relixiosos poden experimentar «cansazo» no medio dun mundo «secularizado», cun «crecente distanciamento da práctica da fe», e engadiu que esto acentúase pola «rabia» dalgúns polo «mal testemuño» da Igrexa e polos «escándalos».
Na extensa homilía, o Pontífice tamén defendeu que «na Igrexa ten que haber lugar para todos». «Non esquezan esta palabra, todos, todos, todos», remarcou Francisco, á vez que pediu que «a Igrexa non sexa unha aduana para seleccionar quen entran e quen non».