41
O papa Francisco uniuse ao coro de voces que piden calma e diálogo entre israelís e palestinos para deter a que definiu como «crecente espiral de morte» en Oriente Próximo. Ao redor de 25.000 fieis acudiron á praza de San Pedro do Vaticano para escoitar a Francisco, que este martes iniciará unha viaxe apostólica á República Democrática do Congo e a Sudán do Sur.
«Con gran dor decátome das noticias que chegan de Terra Santa –dixo o papa-. En particular, a morte de 10 palestinos, entre eles unha muller, durante accións militares antiterroristas israelís en Palestina, e do sucedido preto de Xerusalén o venres pola noite, cando sete xudeus israelís foron asasinados por un palestino e tres resultaron feridos cando saían unha a Sinagoga».