O papa Francisco pide negociar seriamente a paz en Ucraína

O papa Francisco pide «negociacións serias» para que se poña fin á guerra en Ucraína ao termo do seu discurso de clausura do «Foro Occidente e Oriente para a convivencia humana» en Barhein, onde estará de visita durante catro días. Na praza Al Fida, no gran complexo do palacio real Sakhir, e improvisando sobre o seu discurso preparado, o papa dixo: «E antes de terminar quero realizar un forte chamamento para que se poña fin á guerra en Ucraína e se empecen serias negociacións de paz.» O papa advertiu de que «Oriente e Occidente aseméllanse cada vez máis a dous mares contrapostos» e denunciou aos poderosos que loitan por intereses particulares e redefinen bloques contrapostos.