- A voceira nacional do BNG, Ana Pontón, non participou no pleno porque está illada despois de manter contacto cun positivo.
As contas públicas de Galicia para o ano 2022 recibiron este martes o visto e prace no Pleno do Parlamento galego. Estes orzamentos son os máis altos da historia da comunidade e ascenden a 11.627 millóns de euros tras recibir o voto favorable do PPdeG, grupo maioritario, que rexeitou as 1.025 emendas de BNG e PSdeG que quedaban pendentes e que votaron en contra destas contas. En materia de política fiscal, os presupostos do vindeiro ano inclúen novas rebaixas de impostos no IRPF, no Imposto de Transmisións Patrimoniais (ITP) e no Imposto de Patrimonio que se suman a todas as aprobadas nos últimos anos.
Para o voceiro do PPdeG, Pedro Puy, os orzamentos son «expansivos, con sete de cada dez euros destinados a gasto social». O BNG augura unha redución dos servizos públicos con estas contas autonómicas «e máis desigualdade», e o PSdeG achácalles «dependencia dos fondos europeos e do Estado».