O número de persoas desempregadas rexistradas nas oficinas do Servizo Público de Emprego Estatal (SEPE) ao finalizar o mes de novembro descendeu en 24.573 persoas. En valores relativos, o descenso do paro foi dun 0,89%. É a segundo baixada do paro máis acusada nun mes de novembro, se excluímos a excepcionalidade do período pandémico. Desta forma, o paro rexistrado situouse en 2.734.831 persoas, a cifra máis baixa nun mes de novembro desde 2007. O paro descendeu en 146.549 persoas (-5,09%) con respecto a novembro de 2022. En termos desestacionalizados, o paro rexistrado baixa en 34.785 persoas. Descendeu en todos os sectores económicos no mes de novembro: en Servizos en 17.335 persoas (-0,88%), en Industria 2.654 persoas (-1,22%), en Agricultura en 2.175 persoas (-2,13%), en Construción 1.072 (-0,51%) e no colectivo Sen Emprego Anterior diminúe en 1.337 (-0,53%). Redúcese especialmente o desemprego feminino, que duplica o ritmo do descenso masculino, con 15.962 mulleres en paro menos (-0,96%) situándose en 1.645.093.