53
O presidente do PP, Pablo Casado, anunciou este martes que o partido deixará a súa sede da madrileña rúa de Xénova, porque ao seu xuízo non deben seguir «nun edificio cuxa reforma se está investigando» pola súa íntima relación co financiamento irregular do partido e as obras sufragadas con diñeiro negro. Casado argumentou que o seu partido debe apostar «por unha rexeneración xusta sen actitudes inquisitoriais» e asegurou que o PP nunca máis dará explicacións sobre actuacións persoais do pasado. Di que cambiarán de sede pero non de rumbo e revindica o centro político, así como a convocatoria dunha convención nacional no outono, á vez que reafirmou a súa aposta polo centro tras o mal resultado nas eleccións de Cataluña.