O presidente provincial do Partido Popular da Coruña, Diego Calvo, reuniuse en Laxe con alcaldes e portavoces do PP nas comarcas de Bergantiños e Costa da Morte, onde coincidiron en criticar duramente o que califican de “inacción e deixadez” dos socialistas na CMAT, asociación na que se integran diferentes axentes locais (públicos e privados) para potenciar o turismo no territorio.
En concreto, denunciaron a “irresponsable xestión” do socialista Iago Toba, alcalde de Muxía, como presidente desta asociación, de quen afirman está deixando de lado moitos proxectos “vitais para a comarca” e nin sequera se preocupa de pagar ás empresas colaboradoras para dar saída a varias iniciativas pendentes.
En canto ao proxecto dos Camiños dos Faros, os representantes do PP mostraron a súa vontade de traballar na mesa dirección para lograr a homologación desta ruta.