O portavoz do Grupo Municipal do Partido Popular de Carballo, Rubén Lorenzo, denuncia o mal estado dos firme en varios viais do parque empresarial de Bértoa, que presentan fochancas de diámetro e profundidade considerables.
Os populares consideran que o grupo de goberno non pode obviar que, nos últimos anos, este parque empresarial viu incrementada de forma considerable tanto a súa frota de vehículos de empresa, como o número de usuarios que visitan o polígono cos seus coches particulares. Esta situación demanda un mantemento máis riguroso, polo que solicitan que se faga un seguimento periódico do estado do firme nos viais.
Recorda o portavoz popular que os viais do polígono son de titularidade do Concello que é o responsable único do seu mantemento e de velar pola seguridade dos usuarios dos mesmos.