40
Alejandro Lorenzo, do Partido Popular, é o novo alcalde do Porriño. Resultou elixido no pleno municipal cos apoios dos 8 concelleiros do seu partido por ser a lista máis votada nas pasadas eleccións locais. No escrutinio que se celebrou este xoves empatou coa candidata socialista, Lourdes Moure, quen colleitou os votos dos edís do PSOE, de EU-Son e do BNG. O único concelleiro de Unión Democrática da Louriña abstívose. A súa antecesora, Eva García de la Torre, que renunciara por presións de EU-Son, xa anunciou que deixará a política.