O portavoz parlamentario do PPdeG, Pedro Puy, rexeitou este luns a «solución fácil» do confinamento que expuxo o BNG e que considera que só está baseada na «opinión persoal» de quen a propón, a portavoz nacional do partido, Ana Pontón. Pontón propuxo este luns un «confinamento de quince días» se a terceira onda de contaxios non remite proximamente. Puy considerou que as medidas propostas polo comité clínico, que asesora á Xunta na xestión da pandemia, son as que se deben «seguir e atender» porque é «bo coñecedor das circunstancias e ten información» respecto da situación epidemiolóxica de Galicia. «Mentres o virus siga por aí a solución fácil é que todos nos metamos en casa», admitiu Puy, pero puntualizou que «iso ten outras consecuencias, sen abandonar o propio campo da saúde pública».
42