O candidato do Partido Popular no Concello de Oroso nas eleccións locais do próximo mes de maio, Alex Doval, anunciou que a súa formación trasladará ao Senado a necesidade de acometer “melloras urxentes” no mantemento da estrada N-550 ao seu paso polo municipio. O cabeza de lista dos populares, aproveitou a visita da senadora da súa formación, Verónica Casal, para denunciar unha vez máis o estado “lamentable” no que se atopa esta estrada de titularidade estatal que atravesa as parroquias de Trasmonte, Deixebre, Oroso e o núcleo urbano de Sigueiro.